俾人激親呀!

今日, 我俾細D激親呀! 佢實在太可惡啦!

下午個陣, 我用開的 server reboot 咗。我擔心因為我行得太多嘢先至死。 我去問下牛大哥知唔知原因, 佢就叫我去揾 SA幫手。唉! Edmond 不在, 我又趕住重新再行過我D嘢。正當我煩惱緊時, 細D行過我就問下佢, 話哂佢高級D, 應該知道下內情。

點知佢話我之前出賣佢, 所以唔幫我! 哼!我幾時有呀! 我只不過以事論事之嘛。剛才, 細D幫大D拿 fix 緊中咗毒嘅電腦。細D要大D拿請佢和有份聽嘅人食 tea 。細D話俾我知時, 我好似答咗句:「你又蝦大D拿呀?」

我咁講係因為上次細D幫我整嘢時, 佢都屈我請佢食飯。當時, 我冇請。因為佢冇直接解決我嘅問題。雖然佢有所喑示, 但對於一個冇乜哩方面知識嘅人來講, 我完全唔明佢講乜做乜。細D以為我係喥玩, 所以一直唔開"估"!

今次, 我感同身受, 所以彈咗句咁嘅說話。事後我覺得自己好似破壞咗佢和其他同事嘅好事, 本來我有點內疚。佢成日係我個位附近話我, 再加上近排我"疾"得佢多 (因為佢嘅行為, 我實在看不過眼, 忍不住要咁做), 連我自己都覺自己衰。我打算唔再出聲, 費事又挑起我條根又"疾"佢! BUT! 我做緊正經嘢, 真係有需要協助時, 佢咁對我, 我就好嬲囉! 趕住交貨嘛! 之後, 佢再叫大D拿請食嘢時, 我不禁要反擊下, 彈咗句叫大D拿"米"理細D啦! 以後我都唔會搵佢幫我做嘢, 費事又"比"佢 話!

P.S. 對不起! 書面語難以表達我今天心頭之怒! 恕我用了白話寫了這篇文章。